مشہور بھارتی سٹکام تارک مہتا کا الٹا چشمہ کے مشہور کردار ’سوڈھی‘ گروچرن سنگھ کے ڈرامے میں واپسی سے متعلق اہم خبر سامنے آئی ہے۔

سوڈھی کے مداح یہ بات جاننے کے لیے بے چین ہیں کہ گروچرن سنگھ تارک مہتا کا الٹا چشمہ کا دوبارہ حصہ بنیں گے یا نہیں؟

بھارتی میڈیاد رپورٹ کے مطابق اداکار گروچرن سنگھ نے آج کامیڈی ڈرامے کے پروڈیوسر اسیت کمار سے ملاقات کی ہے۔

رپورٹ کے مطابق گروچرن ممبئی میں اسیت مودی کے دفتر میں ان سے ملاقات کے لیے گئے۔ یہ خبر منظر عام پر آنے کے بعد مداح تجسس میں مبتلا ہوگئے اور یہ سوچنے لگے کہ تارک مہتا کا الٹا چشمہ میں سوڈی جلد واپس آ رہے ہیں۔

تاہم جب میڈیا نے گروچرن سے رابطہ کیا تو انہوں نے کسی بھی قسم کی تفصیل بتانے سے انکار کر دیا اور کہا کہ مجھے نہیں معلوم، دیکھتے ہیں کیا ہوتا ہے۔

گروچرن سنگھ کامیڈی ڈرامہ کے ابتدائی کاسٹ کے شروع سے ہی رکن رہے ہیں۔ تاہم، انہوں نے 2013 میں شو چھوڑ دیا تھا، لیکن مداحوں کے مطالبے پر وہ اگلے سال واپس آ گئے۔ لیکن سال 2020 کے بعد وہ ابھی تک ڈرامے میں دکھائی نہیں دیے۔

رواں برس اپریل میں روشن سنگھ کے مداحوں اس وقت تشویش میں مبتلا کردیا تھا جب وہ اچانک لاپتہ ہوگئے۔ تاہم 26 دن بعد وہ گھر واپس آ گئے تھے۔