پاکستان میں سوشل میڈیا پلیٹ فارم ’ایکس‘ کی سروسز ایک سال سے زائد عرصے بعد بحال کر دی گئی ہیں۔ یہ پلیٹ فارم فروری 2024 میں بند کر دیا گیا تھا، یہ اقدام اس وقت سامنے آیا جب بھارت کی جانب سے پاکستان پر پانچ مختلف مقامات پر میزائل حملوں کے بعد دونوں ممالک کے درمیان کشیدگی اور سیاسی ماحول میں شدید تناؤ تھا۔
یہ پابندی حکومت نے ملک میں سیاسی کشیدگی اور سوشل میڈیا پر پھیلنے والی غلط معلومات اور حساس مواد کو مدنظر رکھتے ہوئے ایکس پرعائد کی تھی۔ حکومتی موقف کے مطابق یہ اقدام قومی سلامتی اور جھوٹی اطلاعات کے پھیلاؤ کو روکنے کے لیے ضروری تھا۔
لاہور ہائیکورٹ نے ایکس کی بندش کیخلاف درخواستوں پر اٹارنی جنرل کو طلب کر لیا
تاہم، انسانی حقوق کے کارکنوں، صحافیوں، طلبہ، اور مختلف تنظیموں نے اس پابندی کو آزادیِ اظہار پر قدغن قرار دیا تھا اور اسے غیرمنصفانہ قرار دیا تھا۔ اس کے خلاف متعدد پٹیشنز عدالتوں میں دائر کی گئیں، اور بین الاقوامی اداروں نے بھی انٹرنیٹ کی آزادی کے حوالے سے تشویش کا اظہار کیا تھا۔
ایکس بندش کیس: چئیرمین پی ٹی اے کی عدالت میں سرزنش، کابینہ سربراہ کی طلبی کا عدنیہ
اب، ایک سال سے زائد عرصے بعد، 7 مئی 2025 کو ایکس کو دوبارہ پاکستان میں بحال کر دیا گیا ہے، اور صارفین کو بغیر وی پی این کے اس پلیٹ فارم تک رسائی حاصل ہو گئی ہے۔ یہ فیصلہ ایک مثبت قدم کے طور پر دیکھا جا رہا ہے، جس سے پاکستان میں آزادانہ اظہار رائے کی راہ کھل گئی ہے، خاص طور پر ایک ایسے وقت میں جب خطے میں کشیدگی اور عالمی سطح پر اطلاعات کا تبادلہ بے حد اہمیت اختیار کر چکا ہے۔
