پہلگام، مقبوضہ کشمیر میں ایک حملے کے بعد بھارت نے 6 اور 7 مئی کی درمیانی شب کو آزاد کشمیر اور پاکستان کے مختلف علاقوں پر فضائی حملے کیے۔ ان حملوں میں آزاد کشمیر کے کوٹلی، مظفرآباد اور باغ جبکہ پنجاب کے مریدکے اور احمد پور شرقیہ کے شہری علاقوں کو نشانہ بنایا گیا۔ بھارتی کارروائیوں کے نتیجے میں دو مساجد شہید ہوئیں، اور افسوسناک طور پر 2 بچوں سمیت 31 پاکستانی شہری جاں بحق جبکہ 51 زخمی ہوئے۔
بھارتی جارحیت کے جواب میں پاکستان نے فوری اور مؤثر کارروائی کی۔ پاکستانی فضائیہ نے دشمن کے 3 رافیل طیارے، ایک مگ 29، ایک ایس یو 30 اور ایک کومبیٹ ڈرون کو کامیابی سے مار گرایا۔
اس کے بعد 10 مئی کو علی الصبح پاکستان نے بھرپور جوابی آپریشن ”بُنْيَان مَّرْصُوْص“ (سیسہ پلائی ہوئی دیوار یا آہنی دیوار) کے تحت بھارت کے اندر 10 سے زائد اہم مقامات کو نشانہ بنایا۔ ان اہداف میں بھارت کا جدید فضائی دفاعی نظام ایس-400 اور کئی اہم فضائی اڈے جیسے آدم پور اور ادھم پور شامل تھے، جنہیں شدید نقصان پہنچایا گیا۔
ہمارے شہریوں اور فوجیوں کی بہادری اور قربانی پاکستان کی سلامتی کی بنیاد ہے، آرمی چیف
22 اپریل سے 9 مئی تک جاری رہنے والے اس معرکے کو پاکستان نے ”معرکۂ حق“ کا نام دیا ہے، جسے بھارتی جارحیت کے خلاف ایک فیصلہ کن اور تاریخی دفاعی کارروائی قرار دیا جا رہا ہے۔
ان تاریخی لمحات کو خراج تحسین پیش کرنے کے لیے معروف گلوکار ابرار الحق نے ایک نیا ملی نغمہ جاری کیا ہے، جس میں انہوں نے افواج پاکستان کی بہادری، قوم کے اتحاد اور شہداء کی قربانیوں کو بھرپور انداز میں سراہا ہے۔
یہ ترانہ صرف ردِ عمل نہیں بلکہ نظریاتی دفاع کی ایک گونج ہے۔ ابرار الحق نے اپنے منفرد انداز میں اس ترانے کے ذریعے یہ واضح پیغام دیا کہ پاکستان نہ صرف امن کا داعی ہے بلکہ اپنی خودمختاری، نظریاتی سرحدوں اور قومی غیرت پر کسی بھی قسم کی جارحیت یا پروپیگنڈہ کو ہرگز برداشت نہیں کرے گا۔
پاک بھارت جھڑپ کے بعد چینی جنگی طیاروں کی مانگ میں اضافہ
یہ ترانہ سوشل میڈیا پر تیزی سے وائرل ہو رہا ہے اور سامعین کی جانب سے زبردست پذیرائی حاصل کر رہا ہے۔ اس نغمے نے نہ صرف جذبات کو ابھارا بلکہ پاکستانی عوام میں ایک نئی روح پھونکی ہے۔
