بھارت کے شہر حیدر آباد میں منعقد ہونے والے مس ورلڈ 2025 کے مقابلے میں برطانیہ کی نمائندگی کرنے والی 24 سالہ ملیا میگی نے اچانک مقابلے سے دستبرداری کا اعلان کردیا۔

مس انگلینڈ ملیا میگی نے دستبرداری کی وجوہات بتاتے ہوئے ہوش ربا انکشافات کیے، ان کا کہنا تھا کہ بھارت میں اس طرح پیش کیا جارہا تھا کہ جیسے میں کوئی طوائف ہوں۔

برطانوی اخبار دی سن کو دیے گئے ایک انٹرویو میں مس انگلینڈ ملیا میگی انکشاف کیا کہ میں وہاں کچھ مثبت تبدیلی لانے کے لیے گئی تھی لیکن ہمیں ایسے بٹھایا گیا جیسے کرتب دکھانے والے بندر ہوں، اخلاقی طور پرمیں اس کا حصہ نہیں بن سکتی تھی۔

امریکی نژاد ماڈل مس پاکستان ورلڈ منتخب

انہوں نے مزید کہا کہ دنیا کی تمام کرسیاں اور اعزازات بے معنی ہیں اگر آپ اپنی آواز استعمال نہ کریں اور دنیا میں کچھ فرق نہ ڈالیں۔

ملیا میگی کو برطانیہ کی جانب سے مس ورلڈ کا ایک مضبوط امیدوار سمجھا جا رہا تھا، انہون نے مزید بتایا کہ مقابلے کے دوران کئی مواقع پر وہ شدید بے چینی کا شکار ہوئیں.

خاص طور پر شام کے وقت ہونے والی تقریبات میں جہاں ہم سے توقع کی جاتی تھی کہ وہ اسپانسرز اور مہمانوں کو تفریح کروائیں گی۔

سابقہ مس ورلڈ اُمیدوار26 سال کی عُمر میں چل بسیں

انہوں نے کہا کہ ہر میز پر چھ مہمان ہوتے تھے اور دو لڑکیوں کو ان کے ساتھ بٹھایا جاتا، ہمیں پورا وقت ان کے ساتھ بیٹھ کر ان کی تفریح کرنی ہوتی تھی، مجھے یہ ناقابلِ یقین لگا۔

انہوں نے مزید کہا کہ میں نے سوچا کہ یہ سب کچھ بہت غلط ہے، میں یہاں لوگوں کی تفریح کے لیے نہیں آئی تھی۔

میگی نے بتایا کہ جب انہوں نے ان مسائل کا ذکر کرنا چاہا جن کے لیے وہ آواز اٹھا رہی تھیں تو وہاں موجود کچھ مردوں نے کوئی دلچسپی نہیں دکھائی۔

چیک ری پبلک کی حسینہ نے ہندوستانی حسینہ کو مقابلہ حسن میں مات دے دی

ان کا کہنا تھا کہ میں نے جب ان مقاصد کے بارے میں بات کرنی چاہی، جن کے لیے میں کام کر رہی ہوں تو صاف نظر آ رہا تھا کہ میز پر بیٹھے مردوں کو کوئی دلچسپی نہیں تھی۔

اس کے بجائے ایسی عجیب چھوٹی چھوٹی باتیں ہو رہی تھیں جن سے مجھے شدید پریشانی ہوئی۔

انہوں نے یہ بھی کہا کہ مجھے ایسا محسوس کروایا جیسے میں کوئی طوائف ہوں، میں نے کبھی خواب میں بھی نہیں سوچا تھا کہ میں خود کو ایسی صورتِ حال میں پاؤں گی۔

کیا مس ورلڈ مانوشی چھیلرفلم ’ اسٹوڈنٹ آف دی ایئر 2’کا حصہ بنیں گی؟

ہمیں وہاں ان لوگوں کو خوش کرنے کے لیے بٹھایا گیا تھا بالکل جیسے کرتب دکھانے والے بندر، میں یہ برداشت نہیں کر سکی۔

ملیا میگی کا مقابلے کے دوران ہی اچانک علیحدگی اختیار کرنا مداحوں اور دیگر شرکا کے لیے حیران کن ثابت ہوا۔

ان کے بعد اب شارلٹ گرانٹ جو کہ مس انگلینڈ مقابلے میں رنر اپ رہی تھیں، مس ورلڈ کے فائنل میں برطانیہ کی نمائندگی کریں گی، یہ فائنل اگلے ہفتے دنیا کے 180 سے زائد ممالک میں براہِ راست نشر کیا جائے گا۔