انڈونیشیا میں کشتی ریس کے دوران 11 سالہ بچے نے توازن برقرار رکھنے کے لیے غیردانستہ طور پر کیا ڈانس سوشل میڈیا پر وائرل ہوگیا۔
ریس میں 11 سالہ ریان کشتی کے سرے پر کھڑا ہوکر اپنی ٹیم کا حوصلہ بلند کررہا تھا کہ اچانک ڈگمگا گیا، اس نے خود کو سنبھالتے ہوئے اپنے بازوؤں کے ذریعے ڈانس شروع کردیا۔
کالا لباس، کالی ٹوپی اور اس پر کالا چشمہ پہنے 11 سالہ ریان کو نہیں پتا تھا کہ اس کا غیر دانستہ طور پر ہونے والا ڈانس، راتوں رات دنیا بھر میں مشہور ہوجائے گا۔
بچے کے ڈانس کو ’اورا فارمنگ‘ کا نام دے دیا گیا ہے۔
برطانوی نشریاتی ادارے کو انٹرویو میں ریان کا کہنا تھا کہ اس نے یہ سب نہیں سوچا تھا لیکن موقع کی مناسبت سے خود بخود یہ ڈانس اسٹیپ ہوگیا۔
’’اورا فارمنگ کڈ آن بوٹ‘‘ اور ’’بوٹ ریس کڈ اورا‘‘ جیسے ہیش ٹیگز کے ساتھ دنیا بھر کی مشہور شخصیات اس ڈانس کلب میں شامل ہوگئیں، عوام نے بچے کو ’’دی ریپر‘‘ کا لقب دے دیا۔
