معروف بھارتی کامیڈین راجوشری واستو آج دہلی میں 58 برس کی عمر انتقال کرگئے۔

بھارتی میڈیا کے مطابق راجوشری واستو کو دِل کا دورہ پڑنے کے بعد اسپتال میں داخل کروایا گیا تھا، جہاں وہ ایک ماہ کی طویل علالت کے بعد دنیا سے رخصت ہوگئے۔

بھارتی کامیڈین کو 10اگست کو اسپتال میں داخل کیا گیا تھا جب وہ جِم میں ورزش کرتے ہوئے اچانک گِر گئے تھے اور اسی دن ان کی انجیو پلاسٹی بھی کی گئی تھی۔

مزید پڑھیں: معروف کامیڈین راجوشری واستو کو دل کا دورہ

راجوشری واستو بھارت کے سب سے کامیاب اِسٹینڈ اپ کامیڈین میں سے ایک تھے، جو1980 کی دہائی کے آخر سے ہی انٹرٹینمنٹ کے شعبے میں سرگرم ہیں۔

پہلی مرتبہ اسٹینڈ اَپ کامیڈی شو“دی گریٹ انڈین لافٹر چیلنج“ کے پہلے سیزن میں حصہ لینے کے بعد اِن کی مقبولیت میں اضافہ ہوا تھا۔

اس کےعلاوہ راجوشری واستو اترپردیش کی فلم ڈیولپمنٹ کونسل کے موجودہ چیئرمین ہیں۔