سائنسدانوں نے حال ہی میں ایک ایسا انکشاف کیا ہے جو رنگوں کی تھیوری کے صدیو ں پر محیط نظریات کو چیلنج کرتا ہے۔ جدید تحقیق کے مطابق، پرپل (بنفشی رنگ) حقیقت میں ایک حقیقی رنگ نہیں ہے بلکہ یہ دماغ کا ایک ذہنی فریب ہے۔

جامنی یا بنفشی کوئی مخصوص روشنی کی طول موج کا نتیجہ نہیں ہے، جیسے سرخ، سبز یا نیلا رنگ جس کے لئے مخصوص طول موج موجود ہیں۔ اس کے بجائے، پرپل ایک ’حسی دھوکہ‘ ہے جو دماغ میں ایک خالی جگہ کو پُر کرنے کے لئے بنتا ہے۔

رنگوں کی حقیقت

انسانی آنکھ میں تین مختلف قسم کی کون سیلز ہوتے ہیں، جو روشنی کی مختلف طول موجوں کو پہچانتے ہیں، ایس۔کونز (نیلا)، ایم۔کونز (سبز) اور ایل۔کونز (سرخ)۔ جب روشنی آنکھ میں داخل ہوتی ہے، تو یہ کون سیلز دماغ کو بجلی کے سگنلز بھیجتی ہیں، جسے دماغ مخصوص رنگ کے طور پر ترجمہ کرتا ہے۔ تاہم، سرخ اور نیلا رنگ ایک دوسرے کے مخالف سرے پر ہوتے ہیں، اور ان کے بیچ کوئی خاص طول موج نہیں ہوتی۔

2025 کے آفیشل رنگ کا اعلان، کیا آپ کو پسند آیا؟

یہاں سے ایک دلچسپ بات یہ سامنے آتی ہے کہ جب دماغ کو سرخ اور نیلے رنگ کے سگنلز ملتے ہیں، تو یہ ایک ’نیا رنگ‘ بنانے کے لئے دماغ کی طرف سے تخلیق کیا جاتا ہے، جو ہمیں جامنی یا بنفشی نظر آتا ہے۔

جامنی، رنگ یا دھوکہ؟

رنگین طیف، جو عام طور پر ROYGBIV (سرخ، نارنجی، پیلا، سبز، نیلا، انڈگو، اور ووئےلیٹ) کے طور پر یاد کی جاتی ہے، ان میں جامنی شامل نہیں ہے۔ اس کی وجہ یہ ہے کہ ووئےلیٹ ایک حقیقی رنگ ہے جو روشنی کی ایک خاص طول موج پر واقع ہوتا ہے، جب کہ جامنی ایسی کوئی جسمانی طول موج نہیں رکھتا۔

جامنی ایک نیورولوجیکل فریب ہے جسے دماغ سرخ اور نیلے رنگوں کے تضاد سے پیدا کرتا ہے۔ یہ رنگ واقعی قدرتی طور پر موجود نہیں ہے، بلکہ یہ دماغ کی تخلیقی صلاحیتوں کا نتیجہ ہے۔

نیوروسائنس اور رنگوں کی تفہیم

انسانی آنکھ جو رنگوں کو دیکھ سکتی ہے، وہ مکمل برقی مقناطیسی طیف کا محض ایک حصہ ہے، یعنی صرف 0.0035 فیصد حصہ۔ اس کے علاوہ، الٹراوائلٹ اور انفراریڈ روشنی ہماری نظر سے باہر ہیں۔ ہمارے کون سیلز لاکھوں رنگوں کا تجزیہ کرتے ہیں، لیکن جامنی اس سے مختلف ہے کیونکہ اس کا کوئی حقیقی جسمانی وجود نہیں ہے۔

یہ 10 رنگ کے لباس آپ کی شخصیت کے بارے میں کیا کہتے ہیں؟

ثقافتی اہمیت

اگرچہ جامنی حقیقت میں موجود نہیں ہے، مگر اس کا ثقافتی، تاریخی، اور فنون میں بڑا اثر ہے۔ قدیم زمانوں سے جامنی یا بنفشی رنگ کو شاہی، تقدس اور عیش و عشرت کے ساتھ جوڑا گیا ہے۔ شاید یہی وجہ ہے کہ اگرچہ جامنی ایک ذہنی فریب ہے، لیکن اس کا اثر معاشرتی، ثقافتی، اور فنون میں حقیقتاً بہت گہرا ہے۔