بالی وڈ اداکار انیل کپور، پروڈیوسر بونی کپور اور اداکار سنجے کپور کی والدہ نرمل کپور 2 مئی کو حرکت قبل بند ہوجانے کے سبب چل بسیں۔
آنجہانی فلم پروڈیوسر سریندر کپور کی اہلیہ نرمل نے جمعہ کی شام ممبئی کے کوکیلا بین دھیرو بھائی امبانی اسپتال میں آخری سانس لی، ان کی عمر 90 برس تھی۔
میڈیا رپورٹس کے مطابق نرمل کپور کی آخری رسومات ہفتہ 3 مئی کو ادا کی جائیں گی۔
ان کی موت کی تصدیق کوکیلا بین امبانی اسپتال کے سی ای او ڈاکٹر سنتوش شیٹی نے کی، جنہوں نے بتایا کہ نرملا کپور آج شام تقریباً 5 بج کر 25 منٹ پر دنیا سے رخصت ہوگئیں۔
نرملا کپور، مشہور فلم پروڈیوسر سورندر کپور کی اہلیہ تھیں۔ ان کے 4 بچے ہیں، جن میں بونی، انیل، سنجے اور رینا کپور شامل ہیں، وہ ارجن کپور، سونم کپور، ریا کپور، جھانوی کپور، خوشی کپور سمیت کئی فلمی ستاروں کی نانی اور دادی بھی تھیں۔
گزشتہ سال ستمبر میں نرملا کپور نے اپنی 90ویں سالگرہ خاندان کے ساتھ جوش و خروش سے منائی تھی۔
انیل کپور نے اس موقع پر سوشل میڈیا پر اپنی والدہ کے ساتھ تصاویر شیئر کرتے ہوئے لکھا تھا کہ 90 سال کی محبت، طاقت اور بے شمار قربانیاں، آپ کی موجودگی ہماری زندگیوں میں خوشی اور مثبت توانائی بھرتی ہے۔ خوش قسمت ہوں کہ آپ کا بیٹا ہوں۔ سالگرہ مبارک، ممی!“
