موجودہ معاشی حالات میں جب صارفین بجٹ میں تنگی محسوس کر رہے ہیں، نوکیا HMD نے ایک بروقت اور صارف دوست قدم اٹھایا ہے۔ کمپنی نے پاکستان میں اپنے کئی مقبول فیچر فون ماڈلز کی قیمتوں میں نمایاں کمی کا اعلان کیا ہے، جس کا مقصد سادہ، مضبوط، اور قابل اعتماد مواصلاتی ڈیوائسز کو عام صارف کی پہنچ میں لانا ہے۔
قیمتوں میں کمی: نئی قیمتیں کیا ہیں؟
نوکیا کے جن فیچر فونز کی قیمتوں میں کمی کی گئی ہے، ان کی نظرثانی شدہ قیمتیں کچھ یوں ہیں۔
نوکیا 105 کلاسک 2,999روپے، نوکیا 106 (2023) 3,999 روپے، نوکیا 108 (2024) 4,199 روپے، نوکیا 110 (2023) 4,999 روپے، اور نوکیا 125 (2024) 5,199 روپے نئی قیمتوں میں دستیاب ہیں۔
قیمتوں میں یہ کمی تقریباً 600 سے 800 روپے فی ماڈل ہے، جو کہ بجٹ صارفین کے لیے ایک مثبت پیش رفت ہے۔
نوکیا فیچر فونز کی خصوصیات
نوکیا کے یہ فونز نہ صرف قیمت میں مناسب ہیں بلکہ کارکردگی اور خصوصیات کے لحاظ سے بھی متاثر کن ہیں۔
یہ فونز 2 سے 3 انچ اسکرین کے ساتھ ہیڈفون جیک اور میموری کارڈ سلاٹس، مضبوط Unisoc چپ سیٹس، لمبی بیٹری لائف، سادہ اور پائیدار ڈیزائن کے ساتھ دستیاب ہیں۔ نوکیا 125 4G میں IP52 واٹر اور ڈسٹ ریزسٹنس ہیں۔
نوکیا کمپنی کے موبائل سگنل اب چاند پر بھی آئیں گے
نوکیا فیچر فونز اُن تمام صارفین کے لیے مثالی ہیں جوایک قابل اعتماد ’سیکنڈری ڈیوائس‘ چاہتے ہیں۔ روزمرہ کے لیے ایک سادہ اور مضبوط فون تلاش کر رہے ہیں اور اسمارٹ فونز کے متبادل کے طور پر ایک آسان فون استعمال کرنا چاہتے ہیں
ہر نوکیا فیچر فون ایک سال کی آفیشل وارنٹی کے ساتھ ہے، جو کہ کمپنی کے اعتماد اور بعد از فروخت سروس پر یقین کی عکاسی کرتا ہے۔
نوکیا کا پاکستان میں دوبارہ قدم جمانے کا عزم
نوکیا کبھی پاکستان میں موبائل فون مارکیٹ کا بے تاج بادشاہ تھا، جہاں 2000 کی دہائی کے اوائل میں اس کا مارکیٹ شیئر 60 فیصد تک پہنچ چکا تھا۔ اب، موجودہ چیلنجز اور مسابقتی مارکیٹ میں، کمپنی دوبارہ اپنی ساکھ بحال کرنے کے لیے قیمتوں کی اس نئی حکمت عملی کو اپنائے ہوئے ہے۔
نوکیا نے اسمارٹ فون کی لت سے بچنے کیلئے ’باربی فون‘ متعارف کرا دیا
نوکیا HMD کا یہ قدم نہ صرف ایک تجارتی حکمت عملی ہے بلکہ یہ معاشی دباؤ میں مبتلا صارفین کے لیے ایک مثبت پیغام بھی ہے کہ معیاری، پائیدار اور سادہ موبائل فون اب بھی مناسب قیمت پر دستیاب ہو سکتے ہیں۔ نوکیا کی ساکھ، معیار، اور نئی قیمتیں مل کر اس کی مارکیٹ میں واپسی کو مضبوط بنا سکتی ہیں۔
