بھارت کے مشہور گلوکار اور انڈین آئیڈل 12کے فاتح پاوندیپ راجن احمد آباد کے قریب ایک خوفناک کار حادثے میں زخمی ہو گئے ہیں۔
بھارتی میڈیا کے مطابق حادثہ 5 مئی کی صبح تقریباً 3:40 بجے پیش آیا، جب پاوندیپ اپنی کار میں سفر کر رہے تھے۔ حادثے کے بعد گلوکار شدید زخمی حالت میں اسپتال منتقل کیے گئے، جہاں ان کا علاج جاری ہے۔
’بالی ووڈ جعلی ہے‘ کہنے والے اداکار کی وضاحت، انسٹاگرام پر واپسی
پوندیپ راجن کی ایک ویڈیو سوشل میڈیا پر وائرل ہو گئی ہے، جس میں انہیں اسپتال کے بیڈ پر درد سے کراہتے ہوئے دکھایا گیا ہے۔
ویڈیو میں دیکھا جا سکتا ہے کہ ڈاکٹروں نے ان کا علاج شروع کر دیا ہے اور ان کے بائیں پاؤں اور دائیں بازو پر چوٹیں آئی ہیں۔ ان کی حالت اس وقت تشویش ناک نہیں، تاہم انہیں فوری طور پر طبی امداد فراہم کی جا رہی ہے۔
کار حادثے کی ویڈیو منظر عام پر آنے کے بعد پاوندیپ کے مداحوں نے سوشل میڈیا پر ان کی جلد صحت یابی کے لیے نیک تمنائیں اور دعائیں بھیجی ہیں۔
سلمان خان کی دریا دلی انہیں لے ڈوبی
ان کے مداح ان کی کامیابیوں اور شہرت کے علاوہ ان کی شخصیت سے بھی محبت کرتے ہیں اور ان کے لیے بہتر مستقبل کی خواہش کرتے ہیں۔
پوندیپ راجن انڈین آئیڈل 12 کے فاتح بننے کے بعد شہرت کی بلندیوں پر پہنچے ہیں۔ ان کا تعلق اتراکھنڈ سے ہے اور ان کی موسیقی کی محبت ان کے خاندان میں نسلوں سے چلی آ رہی ہے۔
ان کی والدہ سروج راجن، والد سریش راجن، اور بہن جیوتی دیپ راجن معروف کماؤنی لوک موسیقار ہیں۔ پاوندیپ نے بچپن میں ہی موسیقی کی طرف قدم بڑھایا اور سب سے کم عمر طبلہ بجانے کا ایوارڈ حاصل کیا جب وہ صرف دو سال کے تھے۔
