5 مئی 2025 کو ’اسکائپ‘ کا تاریخی سفر ختم ہو گیا۔ مائیکروسافٹ نے اس کی ریٹائرمنٹ کا اعلان فروری میں کیا تھا اور اس کی خدمات کو ’مائیکروسوفٹ ٹیم‘ سے تبدیل کرنے کا فیصلہ کیا تھا۔ یہ تبدیلی ’اسکائپ‘ کے صارفین کے لیے ایک نیا باب ہے، کیونکہ اس کی طویل تاریخ میں کئی تبدیلیاں آئی ہیں۔
’اسکائپ‘ کا آغاز
2003 میں اسٹونیا کے شہر ٹیلن میں ایک گروہ نے ’اسکائپ‘ کی بنیاد رکھی تھی۔ یہ پلیٹ فارم انٹرنیٹ کے ذریعے فون کالز کرنے کا ایک انقلابی طریقہ تھا، جو ’وائس اوور انٹرنیٹ پروٹوکول‘ کی مدد سے ممکن ہو سکا۔ 2005 میں، ای بے نے اس کی خریداری کی اور ویڈیو کالنگ کی خصوصیت شامل کی۔ 2011 میں مائیکروسافٹ نے اسے 8.5 بلین ڈالرز میں خرید لیا۔
’اسکائپ‘ کی بڑھتی مقبولیت اورپھر زوال
2020 میں کووِڈ-19 کی وبا کے دوران، کئی نئے پلیٹ فارمز جیسے ’زوم‘ اور ’سلیک‘ سامنے آئے، جس کے بعد ’اسکائپ‘ کی مقبولیت میں کمی آئی۔ مائیکروسوفٹ ٹیمز نے کاروباری اور تعلیمی دنیا میں اپنی جگہ بنائی، جس نے ’اسکائپ‘ کے مقام کو چیلنج کیا۔
’اسکائپ‘ کا ڈیٹا اور ٹیمز فری میں منتقلی
اگر آپ کا ’اسکائپ‘ اکاؤنٹ ہے، تو مائیکروسافٹ ٹیمز فری میں منتقل ہو جانا آسان ہے۔ آپ اپنے ’اسکائپ‘ اکاؤنٹ کی تفصیلات کے ساتھ ’مائیکروسوفٹ ٹیمز‘ میں لاگ ان کر سکتے ہیں اور تمام چیٹس اور رابطے وہاں منتقل ہو جائیں گے۔ تاہم، ’اسکائپ‘ کے بعض ڈیٹا جیسے 1:1 چیٹس اور اسکائپ فار بزنس کی معلومات منتقل نہیں ہوں گی۔
اگر آپ ٹیمز فری استعمال نہیں کرنا چاہتے، تو آپ ’اسکائپ‘ کا ڈیٹا 2026 تک ایکسپورٹ کر سکتے ہیں، لیکن 2026 کے بعد ’اسکائپ‘ کا ڈیٹا مستقل طور پر حذف کر دیا جائے گا۔
’اسکائپ‘ اور مائیکروسوفٹ ٹیم فری میں فرق
’مائیکروسوفٹ ٹیمز فری‘ میں ’اسکائپ‘ کی تمام بنیادی خصوصیات موجود ہیں، جیسے کہ ون آن ون اور گروپ کالز، پیغامات، اور فائل شیئرنگ۔ اس کے علاوہ، ٹیمز فری میں جدید خصوصیات جیسے میٹنگز کی میزبانی، کیلنڈر مینجمنٹ، اور کمیونٹیز کی تشکیل بھی ممکن ہے۔
’اسکائپ‘ کے اختتام پر ایک نیا آغاز
’اسکائپ‘ کا اختتام مائیکروسافٹ ٹیمز کے ساتھ ایک نئے دور کی طرف اشارہ کرتا ہے، جو کہ ٹیم ورک اور تعاون کے لیے جدید ترین ٹولز فراہم کرتا ہے۔ اگر آپ ’اسکائپ‘ کے صارف ہیں، تو اس تبدیلی کا فائدہ اٹھائیں اور اپنے ڈیٹا کومائیکروسافٹ ٹیمز میں منتقل کریں تاکہ آپ کی تمام ضروری معلومات محفوظ رہیں۔
یاد رکھیں، ’اسکائپ‘ کے صارفین کے لیے یہ تبدیلی ایک نیا آغاز ہے اور مائیکروسافٹ ٹیمز کا استعمال آپ کی پروڈکٹیوٹی کو مزید بڑھا سکتا ہے۔
