اداکار منیب بٹ نے حال ہی میں اپنے برادرِ نسبتی معاذ خان کی شادی میں شرکت کی جہاں وہ نہ صرف قریبی عزیز کی حیثیت سے موجود تھے بلکہ بطور ”بڑے سالے“ تمام انتظامی ذمہ داریاں بھی بخوبی نبھاتے نظر آئے۔
تقریبات میں رنگ، خوشیاں اور محبت کا بھرپور سماں رہا، لیکن منیب بٹ نے اپنی روایت کے مطابق ایک وی لاگ کے ذریعے مداحوں کو پسِ پردہ لمحات میں جھانکنے کا موقع بھی دیا۔ تاہم اس وی لاگ میں ایک ایسا لمحہ بھی سامنے آیا جس نے سوشل میڈیا پر بحث چھیڑ دی۔
میری زندگی میں کوئی مرد دوست نہیں، رومیسہ خان نےصرف لڑکیوں سے دوستی پر لب کشائی کر دی
منیب بٹ شادی میں کھانے کے ضیاع پر خاصے برہم نظر آئے۔ ویڈیو میں دیکھا جا سکتا ہے کہ وہ شادی کے کھانے کے شعبے کی نگرانی کر رہے تھے، اور بار بار کچن کا چکر لگاتے ہوئے انہوں نے نوٹ کیا کہ مہمان اپنی پلیٹیں بھر کر کھانے کو ضائع کر رہے ہیں۔
اداکار نے وی لاگ میں پلیٹوں کی طرف اشارہ کرتے ہوئے کہا:
”میں نے تین بار کچن کا دورہ کیا ہے، کھانا کبھی ختم نہیں ہوتا، ختم تب ہوتا ہے جب مہمان اسے ضائع کرتے ہیں۔“
دنانیر مبین اب بڑی اسکرین پر ! فلمی دنیا میں انٹری کی تیاریاں مکمل
انہوں نے بچا ہوا کھانا کیمرے پر دکھاتے ہوئے کہا کہ یہ سب ضائع ہو گیا ہے اور یہ رویہ قابل افسوس ہے۔ منیب کا کہنا تھا کہ صرف شادی میں مہمان بن جانا اس بات کی اجازت نہیں دیتا کہ آپ اپنی پلیٹ میں ضرورت سے زیادہ کھانا ڈال کر اسے ضائع کریں۔
اس وی لاگ کا وہ کلپ تیزی سے سوشل میڈیا پر وائرل ہو چکا ہے، جہاں صارفین نے منیب بٹ کے مؤقف کی حمایت کی ہے۔ ایک صارف نے تبصرہ کیا،
”بالکل ایسا ہی ہماری فیملی میں بھی دیکھا ہے، شکریہ کہ آپ نے یہ بات کھل کر کی۔“
ایک اور صارف نے لکھا،
”جتنا کھا سکتے ہیں، اتنا ہی لینا چاہیے، یہ بہت سادہ اصول ہے!“
جبکہ ایک فالوور کا کہنا تھا،
”ہمارے معاشرے میں لالچ بہت ہے، اور یہی اس طرح کے ضیاع کی وجہ بنتا ہے۔“
منیب بٹ کا یہ قدم جہاں ایک عام سی شادی کی ویڈیو لگ رہی تھی، وہیں معاشرتی اصلاح کی ایک مثبت کوشش بھی بن گیا ہے، جسے عوام کی بڑی تعداد سراہ رہی ہے۔
