تھائی لینڈ کے صوبہ سرابوری میں طویل عرصے سے جنازے اور مردہ کی آخری رسومات کے انتظامات سنبھالنے والے ملازم نے انکشاف کیا کہ وہ برسوں سے مردے کی باقیات سے سونے کے دانت اکٹھا کر رہا ہے۔

ساؤتھ چائنا مارننگ پوسٹ کی رپورٹ کے مطابق اس کارکن نے حال ہی میں ان سونے کے دانتوں کو پگھلا کر ایک 21.13 گرام سونے کی اینٹ میں بدل دیا جس کی قیمت 59,000 تھائی بھات (تقریباً 1,800 امریکی ڈالر) سے زائد ہے۔

رپورٹ کے مطابق کارکن، جو تھائی چینی خاندانوں کے زیر استعمال قبرستان میں ملازمت کرتا ہے، نے بتایا کہ وہ یہ کام مردے کے اہل خانہ سے اجازت لے کر کرتا ہے۔

کچھ لوگوں کیلئے صرف 4 گھنٹے کی نیند بھی کیسے کافی ہوتی ہے؟

کارکن نے دعویٰ کیا کہ مردے کی آخری رسومات کے بعد باقیات میں اکثر راکھ، ہڈیوں کے ٹکڑے اور کبھی کبھار سونے کے دانت بھی ملتے ہیں۔

یہ واقعہ 25 اپریل کو اس وقت سامنے آیا جب تھائی لینڈ کے شہر سرابوری میں واقع ایک سونے کی دکان کے مالک کی طرف سے ایک ویڈیو شئیر کی گئی۔ ویڈیو میں مالک کو ایک ایکس رے اسکینر استعمال کرتے ہوئے دکھایا گیا ہے تاکہ کارکن دھات کے ہر ٹکڑے کو جانچ سکیں۔

زندگی کے خاتمے سے متعلق پریشان کن پیشگوئی کرنے والا سپر کمپیوٹر

رپورٹ کے مطابق دکاندار نے اس بات کی تصدیق کرتے ہوئے ویڈیو میں بتایا کہ ٹیسٹ سے معلوم ہوا ہے کہ سونا بالکل اصلی ہے۔

خبر دار : چیٹ جی پی ٹی اب طلاقیں بھی کروانے لگی !

سوشل میڈیا صارفین کی جانب سے اس واقعے پر حیرت کا اظہار کیا گیا۔