گاڑی کو معمولی نقصان پہنچانے پر بھارتی کرکٹ ٹیم کے کپتان روہت شرما نے اپنے چھوٹے بھائی کو سب کے سامنے ڈانٹ دیا جس کی ویڈیو سوشل میڈیا پر وائرل ہوگئی۔
بھارتی میڈیا کے مطابق ممبئی کرکٹ ایسوسی ایشن نے جمعہ کے روز وانکھیڑے اسٹیڈیم میں روہت شرما، سابق بھارتی کپتان اجیت واڈیکر اور بی سی سی آئی کے سابق صدر شرد پوار کے نام سے منسوب اسٹینڈز کا افتتاح کیا۔ اس خاص موقع پر روہت شرما اپنی پوری فیملی کے ساتھ پہنچے تھے۔
رپورٹ کے مطابق ایونٹ کے بعد روہت شرما کی ایک ویڈیو وائرل ہو رہی ہے، جس میں روہت اپنے بھائی وشال پر غصہ کرتے دکھائی دیے، کیونکہ اس نے گاڑی پر ڈینٹ لگا دیا تھا۔
ویرات کوہلی نے ریٹائرمنٹ کا اعلان کر دیا
ویڈیو میں دیکھا جا سکتا ہے کہ روہت شرما نے گاڑی پر اسکریچ دیکھ چھوٹے بھائی سے پوچھا یہ کیا ہے جس پر وشال نے جواب دیا کہ ری ورس لیتے وقت لگ گئی جس پر بھارتی کپتان نے پوچھا کس سے تو بھائی نے کہا جی مجھ سے جس پر روہت نے غصے سے جواب دیا کہ دماغ کہاں رہتا ہے تیرا؟
واضح رہے کہ روہت شرما نے گزشتہ برس ٹی ٹوئنٹی کرکٹ سے ریٹائرمنٹ لی تھی جبکہ حال ہی میں وہ ٹیسٹ کرکٹ سے بھی ریٹائرمنٹ کا اعلان کرچکے ہیں۔
روہت اور کوہلی کی ورلڈ کپ 2027 میں شرکت سے متعلق سنیل گواسکر کا حیران کن انکشاف
روہت شرما کی قیادت میں بھارت نے رواں سال کے شروع میں چیمپئنز ٹرافی کا ٹائٹل اپنے نام کیا۔
