پاکستان کے صفِ اول کے ڈیجیٹل تخلیق کار، رجب بٹ، جو یوٹیوب پر 6.77 ملین سبسکرائبرز اور انسٹاگرام پر 1.9 ملین فالوورز کے ساتھ سوشل میڈیا پر خاصی مقبولیت رکھتے ہیں، ایک بار پھر عوامی تنقید کی زد میں آ گئے ہیں اور اپنی اہلیہ ایمن رجب کے ساتھ رویے پر بڑھتی ہوئی عوامی ناپسندیدگی ہے۔
رجب، جو اپنی فیملی ویلاگز، بے باک مزاج اور گاہے بگاہے تنازعات کا حصہ بننے کے لیے جانے جاتے ہیں، اس بار اپنی بیوی کو ویڈیوز میں کم اہمیت دینے اور کیمرے کے سامنے نظر انداز کرنے پر تنقید کا نشانہ بنے۔
رجب بٹ کا اہلیہ کے ساتھ ناروا سلوک شدید تنقید کی زد میں
کچھ مداحوں نے دعویٰ کیا کہ رجب کا رویہ ایمن کے لیے تکلیف دہ ہے، اور وہ محض کیمرے پر مثالی شوہر بننے کی کوشش کر رہے ہیں۔
رجب بٹ نے اپنے ناقدین کے سوالات کا جواب دیتے ہوئے ایک وضاحتی ویڈیو جاری کی۔
رجب بٹ کی ایک اور نئی ویڈیو وائرل، مقدمہ درج
انہوں نے کہا،“لوگ میرے اور ایمن کے رشتے کو غلط انداز میں دیکھ رہے ہیں۔ سوشل میڈیا پر ہونے والی بے بنیاد قیاس آرائیاں کئی رشتوں کو تباہ کر چکی ہیں۔ میں اپنے رشتے کو اس کھیل کا حصہ نہیں بننے دوں گا۔
ان کا کہناہے کہ، ایمن کیمرے کے سامنے آنے میں ہچکچاہٹ محسوس کرتی ہیں کیونکہ وہ سوشل میڈیا کی نوعیت کو مکمل طور پر نہیں سمجھتیں۔“
فیملی بیچنے کی بات پر رجب بٹ ایک بار پھر فہد مصطفیٰ پر بھڑک اٹھے
رجب نے مزید کہا، ”یہ کہنا کہ میں اسے نظر انداز کرتا ہوں، حقیقت سے دور ہے۔ وہ اس وقت طبیعت کی ناسازی کے باعث کیمرے پر زیادہ متحرک نہیں۔ میں ایک شوہر کی حیثیت سے اپنی تمام ذمہ داریاں پوری کر رہا ہوں۔ جو کچھ بھی میرے پاس ہے، وہ میری بیوی، ماں اور بہن کا ہے۔“
رجب بٹ کے اس وضاحتی بیان کے بعدعوامی ردِعمل کے طور پر تعریف کم اورتنقید زیادہ ہوئی۔
جہاں کچھ مداحوں نے رجب کے مؤقف کو سراہا، وہیں زیادہ تر صارفین نے ان کے بیانیے کو مسترد کر دیا۔
ایک سوشل میڈیا صارف نے لکھا،”صرف مالی تعاون کافی نہیں ہوتا، عورت کو وقت، توجہ اور احترام بھی درکار ہوتا ہے۔“
ایک اور تبصرہ آیا، ”ایسا لگتا ہے جیسے ایمن کو ویلاگ کا حصہ بننے سے روکا جا رہا ہے، کیونکہ وہ کیمرے پر سچ بول دیتی ہیں۔“
کسی نے کہا، ”یہ الزامات نہیں، مشاہدات ہیں۔ آپ واقعی اپنی بیوی کو سائیڈ لائن کرتے ہیں۔“
کچھ صارفین نے ایمن کے ممکنہ حمل سے متعلق قیاس آرائیاں بھی شروع کر دیں، جبکہ دیگر نے رجب سے مطالبہ کیا کہ وہ اپنے طرزِعمل پر نظرِثانی کریں۔
