فلم انڈسٹری ایسی کئی پراسرار کہانیوں سے بھری ہوئی ہے جن کا کوئی نتیجہ نہیں نکلتا یا ان کا انجام کبھی سامنے نہیں آتا۔
ایسی ہی ایک کہانی جس نے نہ صرف دو زندگیوں کو تباہ کیا بلکہ پورے انڈسٹری پر گہرے اثرات چھوڑے۔
یہ کہانی ہے معروف اداکار و ہدایت کار گرودت اور ان کی اہلیہ گیتا دت کی، جن کی زندگی کا ایک سانحہ ان کے لئے تباہ کن ثابت ہوا۔
پریش راول کی ’ہیرا پھیری 3‘ سے علیحدگی کی اصل وجوہات سامنے آ گئیں
گرو دت وہ نامور ہدایت کار اور اداکار ہیں جنہوں نے اپنی شاندار فلموں سے انڈسٹری پر گہرا اثر چھوڑا۔ تاہم، ان کی ذاتی زندگی میں ایک سنجیدہ موڑ آیا، خصوصاً جب وہ اپنی اہلیہ گیتا دت کے ساتھ پالی ہل کے بنگلے میں رہ رہے تھے۔
’گرو دت: ایک نامکمل کہانی‘ نامی کتاب کے مصنف یاسر عثمان نے اس المناک واقعے کا ذکر کیا، جس نے گرو دت کی زندگی کا رخ بدل دیا۔
’ایوینجرز: ڈومز ڈے اور سیکرٹ وارز‘ کی ریلیز ڈیٹس تبدیل، نئی تاریخوں کا اعلان
گیتا دت کی بہن، للیتا لزمی کے مطابق، گیتا کو یہ لگتا تھا کہ ان کے بنگلے میں ایک پراسرار ہستی رہتی ہے، جو درخت پر براجمان ہے اور ان کی خوشگوار ازدواجی زندگی کو برباد کرنے کی کوشش کر رہی ہے۔
گیتا دت کو اس بات کا شدید خوف تھا اور انہوں نے اس بات کا تذکرہ گرو دت سے کیا، جس کے بعد انھوں نے بنگلہ چھوڑنے کی تجویز دی۔ گرو دت کو یہ جان کر افسوس ہوا کہ یہ گھر ان کے زندگی کے سب سے اہم منصوبوں میں سے ایک تھا جسے انہوں نے بنایا تھا۔
سریش اوبرائے کے پاکستان مخالف بیان پر صارفین بھڑک اٹھے
کتاب میں مصنف نے مزید بتایا کہ گیتا دت کے خوف کی وجہ سے ان کی شادی میں دراڑ آنا شروع ہو گئی تھی۔ گیتا کو یہ احساس ہونے لگا کہ یہ بنگلہ ان کی زندگی کی تمام مشکلات کی واحد وجہ ہے، جس کی وجہ سے گرو دت کی زندگی میں بھی بے شمار راتوں کی نیند چھن گئی۔
کتاب کے مطابق، گرو دت جب بھی شوٹنگ کے شیڈول کے لیے اپنے اسٹوڈیو جاتے، تو وہ کچھ وقت نکال کر ایک چھوٹے سے کمرے میں تھوڑی دیر کے لیے آرام کرنے کی کوشش کرتے۔
ایک دن جب گیتا دت اپنے بنگلے میں سو رہی تھی، انہیں باہر سے کچھ عجیب آوازیں آئیں جس سے وہ خوفزدہ ہو گئی۔ گیتا نے فوراً گرو دت کو فون کیا جو اس وقت اسٹوڈیو میں تھے، اور ان سے کہا کہ ان آوازوں کی وجہ سے وہ بے چین ہیں۔
گرو دت نے جواب میں کہا: ”براہ کرم انہیں جانے دیں… میں نے ان سے کہا ہے کہ وہ اسے توڑ دیں۔“
آخرکار، گرو دت کے اس خوابیدہ بنگلے کو منہدم کر دیا گیا اور بعد میں اسے دوبارہ تعمیر کیا گیااورایک نئی عمارت ’امپیریل ہائٹس‘ بن گئی۔
