عید قربانی کے دوران گوشت کو محفوظ رکھنے کے لیے احتیاطی تدابیر اختیار کرنا ضروری ہے تاکہ وہ تازہ اور صحت بخش رہے۔
گوشت کو محفوظ کرنے کے مختلف طریقے ہیں جو آپ کی سہولت اور دستیاب وسائل پر منحصر ہیں۔ یہاں ہم گوشت کو ذخیرہ کرنے کے بہترین طریقوں کے ساتھ ساتھ ضروری احتیاطی تدابیر بھی بیان کر رہے ہیں۔
عید الاضحیٰ اسپیشل بھنا گوشت: ایک آسان اور منفرد ترکیب
فریزر میں گوشت کو محفوظ کرنا
اگر آپ کے پاس فریزر موجود ہے تو گوشت کو اس میں محفوظ کرنا سب سے بہترین طریقہ ہے۔
جلد سے جلد فریزر میں رکھیں: قربانی کے گوشت کو فوراً (دو گھنٹے کے اندر) فریزر میں رکھیں تاکہ وہ خراب نہ ہو۔
تربوز کی چاٹ: گرمیوں میں ذائقے اور ایجاد کا بہترین امتزاج
چھوٹے چھوٹۓ ٹکڑوں میں کاٹنا: گوشت کو بڑے ٹکڑوں کے بجائے چھوٹے ٹکڑوں میں کاٹیں تاکہ وہ آسانی سے محفوظ ہو سکے اور تیزی سے جمنے کی حالت میں رہے۔
پلاسٹک کی تھیلیوں میں پیک کرنا: گوشت کو صاف ستھری پلاسٹک کی تھیلیوں میں پیک کریں اور ہوا نکال کر اسے مضبوطی سے بند کر دیں تاکہ گوشت کی تازگی برقرار رہے۔
عیدِ قرباں پر مسالوں سے کھانوں کو ذائقے دار بھی بنائیں اور صحت افزا بھی
فریزر میں رکھیں یا فریج میں کچھ وقت رکھیں: گوشت کو فریزر میں رکھنے سے پہلے چھ گھنٹے کے لیے فریج میں رکھیں تاکہ اس کا درجہ حرارت یکساں ہو سکے۔
فریزر کے بغیر گوشت کو محفوظ کرنا
اگر آپ کے پاس فریزر نہیں ہے تو گوشت کو محفوظ رکھنے کے لیے آپ کچھ دیگر طریقے اختیار کر سکتے ہیں:
نمک لگا کر خشک کرنا: گوشت پر نمک چھڑک کر دھوپ میں لٹکا کر خشک کریں۔ یہ طریقہ گوشت کی مدت کو بڑھا دیتا ہے۔
گوشت کو ابال کر محفوظ کرنا: گوشت کو اُبال کر بھی محفوظ کیا جا سکتا ہے۔ اسے نمک لگا کر یا بغیر نمک کے ابال کر خشک کرلیں اور پھر کسی محفوظ جگہ پر رکھیں۔
گوشت کو صاف اور سلیقے سےاسٹورکرنا
گوشت کو محفوظ رکھنے کے دوران بعض احتیاطی تدابیر کو اپنانا ضروری ہے:
گوشت کی صفائی: گوشت کو فریزر میں رکھنے سے قبل اچھی طرح صاف کریں تاکہ اس پر کسی قسم کا مٹی یا خون باقی نہ ہو۔
برتن کی تبدیلی: گوشت رکھنے والے برتن کو روزانہ تبدیل کریں تاکہ اس میں جمع ہونے والا خون اور پانی نکالا جا سکے۔
چربی کو علیحدہ کرنا: گوشت سے چربی کو بھی مناسب طریقے سے ذخیرہ کریں۔
پلاسٹک یا چینی کے برتن میں ذخیرہ: گوشت کو چینی کے برتن یا پلاسٹک کی ٹرے میں رکھنا بہتر ہے اور اس پر ہلکی پلاسٹک کی شیٹ ڈھانپ دیں تاکہ گوشت کی نمی اور خشکی برقرار رہ سکے۔
گوشت کو دوبارہ فریزر میں نہ رکھیں
گوشت کو ایک بار فریزر سے نکال کر دوبارہ فریزر میں رکھنا نقصان دہ ہو سکتا ہے۔ اس لیے کوشش کریں کہ گوشت کو ایک دفعہ نکال کر پھر استعمال کریں اور اگر ضرورت ہو تو فوراً پکالیں۔
فریزر میں گوشت کی مدت
گوشت کو فریزر میں تین ماہ تک محفوظ رکھا جا سکتا ہے۔ اس دوران آپ گوشت کو حسب ضرورت نکال کر استعمال کر سکتے ہیں۔ فریزر میں گوشت کو محفوظ کرنا اس کی تازگی اور غذائی اجزاء کو طویل عرصہ تک برقرار رکھتا ہے۔
گوشت کو محفوظ کرنے کے ان مختلف طریقے ہیں عمل کر کے آپ اپنی قربانی کے گوشت کو طویل عرصہ تک تازہ اور غذائیت سے بھرپور رکھ سکتے ہیں۔
ان طریقوں سے صرف گوشت کی بچت کر سکتے ہیں بلکہ صحت کے لحاظ سے بھی اس کی بہتر حفاظت کر سکتے ہیں۔
