لونگ وہ مصالحہ ہے جس کا استعمال ہم اکثر چائے بنانے یا پلاؤ، بریانی جیسے پکوانوں میں کرتے ہیں۔ لیکن کیا آپ جانتی ہیں کہ لونگ صرف چائے یا چاول تک محدود نہیں؟ یہ آپ کے کھانوں میں مزید ذائقہ اور ہلکی سی تیز مٹھاس ڈال کر، آپ کی روزمرہ کی پکوانوں کو ایک نیا ذائقہ دے سکتی ہے۔
سبزیوں سے لے کر میٹھے پکوانوں تک، حتیٰ کہ چٹنیاں بھی لونگ کا استعمال کرکے نئے رنگ میں رنگی جا سکتی ہیں۔
پھل یا سبزیاں: وزن کم کرنے کیلئے کون سا جوس زیادہ فائدہ مند ہے؟
یہاں ہم آپ کو بتا رہے ہیں لونگ کو اپنے باورچی خانے میں استعمال کرنے کے نئے اور دلچسپ طریقے جو آپ کی روزمرہ کی پکوانوں کو مزید خوش ذائقہ بنا سکتے ہیں
اپنے پکوان کے تیل میں لونگ شامل کریں
عام طور پر ہم کھانا پکانے کے لیے تیل یا گھی استعمال کرتے ہیں، لیکن کیا آپ نے کبھی لونگ کو تیل میں اُبال کر استعمال کرنے کا سوچا ہے؟ چند لونگ کو تیل میں ہلکا سا گرم کرنے سے آپ کی دالوں، سوپ یا سبزیوں کا ذائقہ بہتر ہو سکتا ہے۔
گرم پکوڑے اور سوندھی بارش، دونوں کیوں ایک دوسرے کے ساتھ جڑے ہوئے ہیں؟
سبزیوں میں شامل کریں
روایتی طور پر سبزیاں صحت کے لیے بہترین ہوتی ہیں، لیکن ان میں بعض اوقات ذائقہ نہیں ہوتا ہے۔ ان سبزیوں میں لونگ پاؤڈر چھڑک کر آپ میٹھا اورتیزذائقہ لا سکتی ہیں، چاہے وہ شکر قندی ہو یا گاجر۔
ٹماٹر کی گریوی یا ساس میں لونگ ڈالیں
جب آپ ٹماٹر کی گریوی یا پاستا کی ساس بنا رہے ہوں، تو ایک لونگ ڈال کر اس کے ذائقے کو متوازن کریں۔ لونگ ٹماٹر کی تیز ترشی کو کم کر کے ساس کو مزید لذیذ بنا دیتی ہے۔
خوشبودار ذائقے کے لیے ان دو اجزاء سے میرینیٹ کریں
میٹھے پکوانوں میں رنگ بھر دیں
لونگ میٹھے پکوانوں میں ایک جادو کی طرح کام کرتی ہے۔ جب آپ کوئی مٹھائی بنا رہے ہوں جیسے کہ حلوہ یا پڈنگ، تو اس میں ایک لونگ ڈال کر گرم ذائقہ شامل کریں۔
چٹنیاں تیار کرتے وقت لونگ کا استعمال کریں
چٹنیاں بنانے میں بھی لونگ ایک منفرد ذائقہ دیتی ہے۔ اگر آپ پودینہ یا ٹماٹر کی چٹنی بنا رہے ہیں، تو لونگ کا ایک چھوٹا سا ٹکڑا چٹنی کے ذائقہ اور خوشبو میں اضافے کا سبب بن سکتا ہے۔
یہ ہیں وہ سادہ طریقے جو آپ کے کھانوں کو خاص بنا سکتے ہیں۔ ان آسان نکات کو آزما کر آپ دیکھیں گے کہ لونگ کا معمولی استعمال کس طرح آپ کے پکوانوں کو غیر معمولی بنا سکتا ہے۔
