ہم میں سے زیادہ تر افراد دن کا آغاز ایک کپ چائے یا کافی سے کرتے ہیں، مگر کیا کبھی سوچا ہے کہ ہمارا جسم حقیقتاً کن غذائی اجزاء کا طلبگار ہوتا ہے؟ اگر آپ بھی اپنی صبح کو صحت بخش بنانا چاہتے ہیں تو گاجر اور ادرک کا جوس ایک بہترین متبادل ثابت ہو سکتا ہے۔

صرف دو اجزاء پر مشتمل یہ سادہ مگر غذائیت سے بھرپور مشروب وٹامنز، اینٹی آکسیڈنٹس اور قدرتی سوزش کم کرنے والی خصوصیات سے لبریز ہے۔

بادام کا دودھ زیادہ پینے کے 5 ممکنہ نقصانات سے ہوشیار رہیں

روزانہ صرف ایک گلاس لیں اور آپ کے جسم میں مثبت تبدیلیوں کا آغاز ہو جائے گا۔

گاجر اور ادرک کا جوس: روزانہ استعمال کے 6 حیرت انگیز فوائد

بینائی کے لیے بہترین

ایک تحقیق کے مطابق گاجر بیٹا کیروٹین سے بھرپور ہے، جو جسم میں وٹامن اے میں تبدیل ہوتا ہے۔ یہ وٹامن نہ صرف بینائی کو بہتر بناتا ہے بلکہ آنکھوں کی خشکی بھی کم کرتا ہے۔

کولڈ کافی کو چھوڑیں، کافی ملک دے وہ ٹھنڈک جس کی آپ کو تلاش ہے

ادرک کی اینٹی انفلامیٹری خصوصیات، اسکرین کے سامنے زیادہ وقت گزارنے کے باعث آنکھوں کی سوجن میں بھی آرام پہنچاتی ہیں۔

نظامِ ہضم میں بہتری

گھریلو نسخوں میں ادرک کو بدہضمی، متلی اور اپھارے کے لیے برسوں سے استعمال کیا جا رہا ہے۔ گاجر کی قدرتی مٹھاس اور فائبر اسے ایک متوازن ہاضم مشروب بنا دیتے ہیں۔ کھانے کے بعد یہ جوس پینا ہاضمے کو بہتر بنانے میں مددگار ثابت ہو سکتا ہے۔

فریج سے انڈے نکال کر فوراً اُبالنا کیوں غلط ہے؟

مدافعتی نظام کو تقویت

گاجر میں وٹامن سی اور اینٹی آکسیڈنٹس، جبکہ ادرک میں جراثیم کش اور سوزش کم کرنے والی خوبیاں پائی جاتی ہیں۔ یہ مشروب خاص طور پر موسم کی تبدیلیوں میں قوتِ مدافعت کو مضبوط کرنے میں مدد دیتا ہے۔

جلد کی چمک اور تابناکی بڑھائے

گاجر اور ادرک دونوں میں موجود اینٹی آکسیڈنٹس جلد کو اندرونی طور پر ہائیڈریٹ کرتے ہیں، جھریوں کے عمل کو سست کرتے ہیں اور جلد کی سُرخی یا دانوں کو کم کرتے ہیں۔

ایک تحقیق (2021) کے مطابق، ادرک خون کی گردش کو بہتر بناتا ہے، جس سے چہرے پر قدرتی چمک آتی ہے۔

جسم سے زہریلے مادوں کا اخراج

ادرک پسینے اور خون کی روانی کو تیز کرتا ہے جو جسم سے زہریلے مادوں کے اخراج میں مدد دیتا ہے۔ گاجر جگر کی صحت کو بہتر بناتی ہے اور چکنائی کو ہضم کرنے میں کردار ادا کرتی ہے۔

چاہیں تو اس جوس میں لیموں کا رس شامل کر کے اس کے ڈیٹاکس اثر کو مزید بڑھایا جا سکتا ہے۔

بلڈ شوگر میں توازن

اگرچہ گاجر قدرتی طور پر میٹھی ہوتی ہے لیکن اس کا گلیسیمک انڈیکس کم ہوتا ہے۔ ادرک انسولین کی حساسیت کو بہتر بنانے میں مدد کرتا ہے۔

یہ مشروب شوگر کے مریضوں کے لیے بھی ایک محفوظ اور توانائی بخش انتخاب ہو سکتا ہے، خاص طور پر فائبر سے بھرپور ناشتے جیسے دلیہ یا پوہے کے ساتھ۔

گاجر اور ادرک کا جوس کسی مہنگے ٹرینڈ کا حصہ نہیں بلکہ ایک سادہ، سستا اور پائیدار طریقہ ہے جس سے آپ نظر سے لے کر نظامِ ہضم، جلد سے لے کر بلڈ شوگر تک اپنی صحت کی کئی جہتوں کو بہتر بنا سکتے ہیں۔

صرف چند ہفتے آزما کر دیکھیں، ہو سکتا ہے یہ آپ کی صبح کا نیا لازمی حصہ بن جائے۔