ناریل کا تیل مختلف پکوانوں میں استعمال کے لئے مشہور ہے، لیکن کیا آپ جانتے ہیں کہ یہ چکنائی والا تیل گھریلو کاموں میں بھی بے شمار فائدے فراہم کرتا ہے؟

چاہے آپ اپنے فرنیچر کو پالش کرنا چاہتے ہوں، اسٹین لیس اسٹیل سے داغ دھبے صاف کرنا ہو، یا اسے اپنی بیوٹی روٹین میں شامل کرنا ہو، ناریل کا تیل ایک ایسا جادوئی حل ہو سکتا ہے جس کا آپ کوشاید علم بھی نہ ہو۔

صوفوں پر موجود ضدی داغ دور کرنے کا آسان طریقہ

ماہرین نے بتایا ہے کہ یہ تیل گھریلو کاموں میں کس طرح مفید ثابت ہو سکتا ہے۔ آئیے ناریل کے تیل کے 10 اہم استعمالات کے بارے میں جانتے ہیں۔

فرنیچر کی پالش کریں

اگر آپ کے پاس فرنیچر پالش ختم ہو چکی ہے یا قدرتی متبادل تلاش کر رہے ہیں تو ناریل کا تیل بہترین انتخاب ہو سکتا ہے۔

گھر کو ہمیشہ صاف ستھرا رکھنے کے چند آسان اور آزمودہ طریقے

ہوم ڈیزائن ماہرین کا کہنا ہے کہ یہ ایک قدرتی اور مؤثر فرنیچر پالش ہے جو فرنیچر کو دوبارہ زندہ کرتا ہے اور نقصان دہ کیمیکلز سے بچاتا ہے۔

بس سطح کو مائیکرو فائبر کپڑے سے صاف کریں، پھر تیل لگائیں اور 15 سے 30 منٹ کے لئے چھوڑ دیں۔ آخر میں، صاف کپڑے سے سطح کو رگڑ کر چمکائیں۔

چیزیں ہر ویک اینڈ پر صاف کریں، گھر ہمیشہ صاف ستھرا رہے گا

اسٹین لیس اسٹیل کی صفائی

ناریل کا تیل اسٹین لیس اسٹیل کی سطح سے انگلیوں کے نشان اور داغ صاف کرنے کے لئے بہترین ہے۔ سب سے پہلے پانی اور ڈش سوپ سے سطح کو صاف کریں، پھر تھوڑی مقدار میں تیل لگا کر مائیکرو فائبر کپڑے سے صاف کریں۔

ڈی آئی وائی

کوکونٹ آئل ایک قدرتی ”ریڈ ڈیفیوزر“ بنانے میں مددگار ہو سکتا ہے۔ دو اونس فارکشنڈ ناریل تیل میں 20 سے 30 قطرے ضروری تیل کے ڈال کرریڈ اسٹک لگا کر خوشبو پھیلائیں۔

ہنگز کو چکنا کریں

ناریل کا تیل معدنی تیل سے زیادہ گاڑھا ہوتا ہے، اس لیے یہ دروازوں کے ہنگز جیسے عمودی سطحوں پر بہتر چپکتا ہے۔ بس ایک روئی کے ٹکڑے یا پرانی برش سے چکنا کریں تاکہ دروازے کے ہنگز کے چپچپے اور چِٹکے کی آواز کو دور کیا جا سکے۔

کچن کے سامان کی دیکھ بھال

چمچوں، کٹنگ بورڈز اور دیگر لکڑی کے کچن کے سامان کو ناریل کے تیل سے صاف اور نرم کریں تاکہ وہ خشک، ٹوٹنے یا خراب ہونے سے بچیں۔

گہرا ہیئر کنڈیشن

خشک بالوں کے لئے ناریل کا تیل قدرتی موئسچرائزر کے طور پر کام کرتا ہے۔ بالوں کے سروں پر اسے لگائیں اور 30 منٹ کے لئے چھوڑ دیں، پھر شیمپو سے دھو لیں۔

ڈی آئی وائی

ناریل کے تیل سے ڈسٹ سپرے تیار کریں جس میں ونیلا، ٹی ٹری یا لیموں کے ضروری تیل کے قطرے شامل کریں۔ یہ سپرے نہ صرف ڈسٹ کو روکتا ہے بلکہ سطحوں کو چمکدار بھی بناتا ہے۔

گم کو ہٹائیں

ناریل کا تیل گم اور چپکنے والے نشان ہٹانے کے لیے مفید ہے۔ اسے صرف گم والے حصے پر لگائیں اور تھوڑی دیر بعد صاف کریں۔

گارڈن ٹولز کوزنگ سے بچاؤ کے لیے

ناریل کے تیل کو باغبانی کے اوزاروں پر لگانے سے ان پر زنگ لگنے سے بچتا ہے اور یہ انہیں دیر تک کارگر بناتا ہے۔

منہ کی صفائی (آئل پلنگ)

آئل پلنگ ایک قدیم طریقہ ہے جس میں کوکونٹ آئل منہ میں گھومایا جاتا ہے تاکہ بیکٹریا، پلاک اور زہریلے مادے نکالے جا سکیں۔ اس عمل سے منہ کی صفائی میں مدد ملتی ہے اور مسوڑھوں کی صحت بہتر ہوتی ہے۔

ناریل کا تیل صرف کھانے کے لیے نہیں، بلکہ گھریلو کاموں میں بھی ایک قدرتی اور مفید حل ہے۔ ان استعمالات کے ذریعے آپ اپنی زندگی کو مزید آسان اور سہل بنا سکتے ہیں۔