بالی ووڈ سپر اسٹار شاہ رخ خان کی فلم کی شوٹنگ کے دوران زخمی ہونے کی خبروں کی حقیقت سامنے آگئی۔
واضح رہے کہ گزشتہ روز بھارتی میڈیا کی طرف سے ایک خبر سامنے آئی تھی جس میں کہا گیا تھا شاہ رخ خان ممبئی کے گولڈن ٹوباکو اسٹوڈیو میں ایک ایکشن سین کی شوٹنگ کر رہے تھے کہ اس دوران انہیں ایک پٹھوں کی چوٹ آئی۔ اگرچہ یہ چوٹ سنگین نہیں ہے، تاہم ذرائع کا کہنا ہے کہ ڈاکٹروں نے شاہ رخ خان کو صحت یابی کے لیے ایک ماہ کا آرام تجویز کیا گیا تھا۔
اب بھارتی چینل این ڈی ٹی وی نے ان تمام اطلاعات کی تردید کی ہے۔
بھارتی میڈیا کے مطابق شاہ رخ خان کی پیٹھ میں چوٹ لگنے کی افواہوں کے درمیان ایک قریبی ذرائع نے بتایا کہ یہ سب اطلاعات جھوٹ پر مبنی ہے۔
رپورٹ کے مطابق شاہ رخ خان کو ماضی میں مختلف فلموں کی شوٹنگ کے دوران چوٹیں آئی ہیں، جن میں سے کچھ وقتاً فوقتاً دوبارہ تکلیف دیتی ہیں۔ علاج اور دیکھ بھال کے لیے وہ اکثر امریکہ کا سفر کرتے ہیں۔
ذرائع نے مزید انکشاف کیا کہ شاہ رخ خان جولائی کے دوسرے ہفتے میں امریکہ روانہ ہوئے تھے اور توقع ہے کہ وہ جولائی کے آخر تک واپس آ جائیں گے۔
اس سے قبل بھی ایسی خبریں سامنے آئی تھیں کہ انہیں شوٹنگ کے دوران ناک پر چوٹ لگی تھی، لیکن حقیقت میں یہ فلم کی شوٹنگ سے متعلق کوئی چوٹ نہیں بلکہ معمولی ناک کی سرجری تھی۔
امیتابھ بچن نے سلمان خان کو پیچھے چھوڑ دیا، سب سے مہنگے ٹی وی ہوسٹ بن گئے
تاحال شاہ رخ خان یا ان کی ٹیم کی جانب سے ان افواہوں پر کوئی بیان جاری نہیں کیا گیا۔
واضح رہے کہ فلم ”کنگ“ ایک انتقامی تھرلر کے طور پر سامنے آ رہی ہے، جس میں شاہ رخ خان ایک قاتل کا کردار ادا کر رہے ہیں، جو ایک المناک واقعے کے بعد سہانا خان کے کردار کے ساتھ انتقام لینے نکلتا ہے۔
شاہ رخ خان کی صحت کے حوالے سے جاری تشویش کے باوجود، ان کے مداحوں کی امید ہے کہ وہ جلد اپنی توانائی کے ساتھ سیٹ پر واپس آئیں گے اور ”کنگ“ کے شوٹنگ شیڈول کو مکمل کریں گے۔
