پاکستان کی صفِ اول کی اداکارہ ماہرہ خان حال ہی میں کراچی کی ایک مقامی مارکیٹ میں خریداری کرتی ہوئی نظر آئیں، جس کی ویڈیو سوشل میڈیا پر وائرل ہو گئی ہے۔

ویڈیو میں دیکھا جا سکتا ہے کہ ماہرہ خان بغیر کسی پروٹوکول یا سیکیورٹی کے کپڑوں کی دکان پر خریداری کر رہی ہیں۔

ویڈیو کلپ میں ماہرہ خان سفید رنگ کے پرنٹڈ شلوار قمیض میں ملبوس ہیں جو کہ بغیر میک اپ اور پر اعتماد انداز کے ساتھ ان کے عام اور سادہ فیشن کو ظاہر کرتا ہے۔

ویڈیو کے اختتام میں یہ بھی دیکھا جا سکتا ہے کہ ماہرہ خان خریداری کرنے کے بعد سیکورٹی خدشات کے پیش نظر مارکیٹ سے جلدی سے باہر نکل گئیں.

ویڈیو وائرل ہونے کے بعد مداحوں نے سوشل میڈیا پر ماہرہ خان کی تعریفوں کے پُل باندھ دیے۔ مداحوں کا کہنا تھا کہ ماہرہ کی سادگی ہی ان کی اصل خوبصورتی ہے۔

کئی صارفین نے تبصرہ کیا کہ ’’اتنی بڑی اسٹار ہو کر بھی اتنی سادگی، واقعی قابلِ تعریف ہے‘‘، جبکہ کچھ نے کہا کہ ’’سادگی میں جو حسن ہے وہ کسی اور چیز میں نہیں‘‘۔