اقرار الحسن کا شمار پاکستان کے صفِ اول کے صحافی اور ٹی وی میزبانوں میں ہوتا ہے لیکن ان کی اصل وجہ شہرت عوامی مسائل کو بے نقاب کرنے والا ان کا تحقیقاتی پروگرام ”سرِعام“ ہے، جس نے انہیں ہر گھر کا جانا پہچانا چہرہ بنا دیا۔
رمضان المبارک کے دوران ”شانِ رمضان“ جیسے روحانی پروگرام کی میزبانی نے بھی ان کی مقبولیت میں اضافہ کیا ہے۔ اقرار کی شہرت صرف پروفیشنل زندگی تک محدود نہیں رہی، بلکہ ان کی ذاتی زندگی بھی اکثر خبروں کی زینت بنتی رہی ہے۔
اقرار الحسن کی دوسری اہلیہ فرح نے شوہر کی تیسری شادی پر کیا کہا؟
تین شادیوں کی وجہ سے وہ سوشل میڈیا پر مختلف آراء کا نشانہ بنتے رہے، لیکن اس کے باوجود انہوں نے میڈیا میں اپنی ساکھ اور مقام برقرار رکھا۔
انہیں پہلاج الحسن جیسے ذہین بیٹے کا والد ہونے پر بھی فخر ہے جنہوں نےکم عمری میں ہی لوگوں کی توجہ حاصل کر لی ہے اور اب وہ کھیلوں میں اپنا کیریئر بنانا چاہتے ہیں۔
اقرارالحسن کا اپنا بیٹا رنگے ہاتھوں پکڑا گیا
حال ہی میں اقرار الحسن نے ایک پوڈکاسٹ میں شرکت کی، جہاں انہوں نے اپنی پہلی محبت اور پہلی اہلیہ قُرۃ العین اقرار کی سب سے خوبصورت خوبی کے بارے میں بات کی۔
میزبان کے استفسار کرنے پر اقرار الحسن نے کہا، قُرۃ العین اقرارمیں کوئی خامی نہیں ہے اور میں اس سے بہت محبت کرتا ہوں۔ کل میں عروسہ سے بات کر رہا تھا کہ عینی کتنی مکمل شخصیت ہے جس میں کوئی خامی نہیں۔ یہ بات دراصل عروسہ نے ہی کہی اور میرے لیے یہ عام سی بات ہے کہ میری بیویاں ایک دوسرے کی تعریف کرتی ہیں۔
ان کا مزید کہنا تھا کہ مجھے لگتا ہے کہ عینی نے ہمیشہ ایک بچے کی طرح میرا خیال رکھا ہے، میری ہر خواہش کو قبول کیا ہے۔ ان کی محبت واقعی بے لوث ہے۔ ان کی ایک اور خوبصورت بات یہ ہے کہ وہ دوسروں کا بہت خیال رکھتی ہیں۔
انہوں نے اپنی پہلی اور تیسری بیوی میں زیادہ انڈڑ اسٹینڈنگ کی وجہ بتاتے ہوئے کہا کہ، “عروسہ اور قُرۃ العین ایک ساتھ رہتی ہیں، تو قدرتی طور پر ان کی آپس میں زیادہ قربت ہے۔
دوسری بیوی فرح کا ذکر کرتے ہوئے ان کاکہنا تھا کہ ، فرح کا مزاج کچھ مختلف ہے۔ وہ تنہائی پسند ہے۔ میں ان کے ساتھ دوپہر کا کھانا کھاتا ہوں، اچھا وقت گزارتا ہوں اورانہیں اپنے خاندان کے پاس بھی جانا ہوتا ہےجو لاہورمیں ہی رہتا ہے تو وہ وہاں بھی چلی جاتی ہیں۔
ان کا کہنا تھا کہ میری زندگی میں پر چیز خودبخود اپنی جگہ پر فکس ہے۔ ہمارے درمیان سب کچھ طے شدہ اور خوشگوار ہے اور میں اس زندگی پر اللہ کا شکر گزار ہوں۔
