مکیش امبانی اور نیتا امبانی کے سب سے چھوٹے بیٹے اننت امبانی کی شادی کئی مہینوں سے خبروں میں ہے۔

انہوں نے ہندوستان میں کچھ شاندار تقریبات منعقد کیں جہاں سب کو مدعو کیا گیا تھا اور یہاں تک کہ ریحانہ نے بھی ایک تقریب میں پرفارم کیا تھا۔ اننت اور رادھیکا مرچنٹ اپنی شادی کی تقریبات کے اگلے مرحلے کے لئے لندن میں ہیں۔

سماء پوڈ کاسٹ میں سماء ٹی وی کے بیورو چیف نعیم حنیف نے لندن میں امبانی کی پری ویڈنگ میں پاکستانی ستاروں کے پرفارم کرنے کے حوالے سے کچھ انکشافات کیے۔

انہوں نے بتایا کہ عاطف اسلم اور راحت فتح علی خان دونوں نے شادی میں پرفارم کیا ہے اور ان کی پرفارمنس کو ریحانہ کنسرٹ کے مقابلے میں زیادہ لوگوں نے لطف اندوز کیا۔

عاطف کی جانب سے وصول کیے جانے والے معاوضے کے بارے میں قیاس آرائیاں کرتے ہوئے صحافی کا کہنا تھا کہ، انہوں نے کنسرٹ کے لیے2-2 لاکھ ڈالر لیے ہوں گے۔ جبکہ شادی کے دیگر شرکا کی طرح انہیں بھی اہل خانہ کی جانب سے بہت سے تحفائف ملے۔