ڈیجیٹل دور میں جس طرح جدت آ رہی ہے، اب گوگل کو بھی آرٹیفیشل انٹیلی جنس سخت ٹکر دے سکتا ہے۔

پاکستان سمیت دنیا بھر میں جہاں گوگل صارفین کی تعداد کروڑوں میں ہے، وہیں اب آرٹیفیشل انٹیلی جنس کے چیٹ جی پی ٹی کے پیلٹ فارم نے بھی گوگل کے مقابلے میں اپنا نیا فیچر لانے کی تیاری کر لی ہے۔

ذرائع کے مطابق اوپن آرٹیفیشل انٹیلی جنس پلیٹ فارم چیٹ جی پی ٹی میں سرچ فیچر کا اضافہ کرنے جا رہا ہے۔

ابتدائی معلومات کے مطابق یہ سرچ فیچر حالات حاضرہ، فیکٹس، تاریخی حوالوں، خبریں سمیت وہ تمام معلومات فراہم کر سکے گا جو کہ گوگل کا سرچ انجن کر رہا ہے۔

دلچسپ بات یہ بھی ہے کہ چیٹ جی پی ٹی ڈیٹا کے حوالے سے ویب کا استعمال کرے گا جبکہ صارفین کے سوالات کے جوابات بھی اسی کے ذریعے دیے جائیں گے۔

وکی پیڈیا اور بلاگ پوسٹس سے بھی تفصیلات حاصل کی جائیں گی۔

دوسری جانب صارفین کے جوابات کے ساتھ ساتھ چیٹ جی پی ٹی تصاویر بھی فراہم کرے گا۔

اگرچہ یہ آپشن اب بھی چیٹ جی پی ٹی میں موجود ہے، تاہم یہ ماہانہ پیسوں کے ذریعے ہی صارفین کی پہنچ میں ہو سکتا ہے۔