پاکستان کی مشہور ماڈل اور میزبان متھیرا نے کہا ہے کہ ملالہ یوسفزئی کو فنکاروں کیساتھ تصویریں کھنچوانے کا معاوضہ ملتا ہے۔

حال ہی میں ملالہ یوسفزئی نے نیویارک میں ہونے والے اقوام متحدہ کی جنرل اسمبلی اجلاس میں شرکت کی جہاں پر انہوں نے بین الاقوامی ستاروں کے ساتھ تصویریں کھنچوائیں۔

ملالہ کی جانب سے بالی ووڈ اداکارہ پریانکا چوپڑا اور ہالی ووڈ کے دیگر فنکاروں کے ساتھ کچھ تصاویر شیئر کرنے کے بعد متھیرا نے اپنے آفیشل انسٹاگرام اکاؤنٹ پر ان تصاویر کو اسٹوری پر لگاتے ہوئے تنقید کی کہ انھیں صرف ایسے فنکاروں کے ساتھ تصویریں کھنچوانے کا معاوضہ ملتا ہے۔

انہوں نے کہا کہ اس مشکل وقت میں جب ہمارا ملک ڈوب رہا تھا اس وقت ملالہ نے ایک بار بھی پاکستان کا دورہ نہیں کیا اور اب وہ موجودہ حالات اور ہمارے ملک کو درپیش مشکلات کے حوالے سے تقریریں کررہی ہیں۔

اختتام پر متھیرا نے لکھا یہ لڑکی بہت منافق ہے۔