سعودی عرب کی جنرل اتھارٹی برائے تفریح کے چیئرمین بورڈ آف ڈائریکٹرز ترکی آل شیخ نے اپنی نوعیت کے منفرد سعودی پروگرام ”سعودی آئیڈل“ کا آغاز کردیا۔

اس پروگرام کی جیوری میں فنکار اصيل ابو بكر، احلام، اصالہ اور ماجد شامل ہوں گے۔ یہ پروگرام ایم بی سی گروپ اور جنرل انٹرٹینمنٹ اتھارٹی کی شراکت داری سے پیش کیا جائے گا۔

پروگرام ایم بی سی ون پر دو مرحلوں میں نشر ہوگا۔ پہلا مرحلہ دسمبر کے وسط سے شروع ہوگا۔ یہ مرحلہ تجرباتی نوعیت کا ہوگا۔

اس کے بعد 11 جنوری 2023 کو براہ راست شوز کا دوسرا مرحلہ شروع کیا جائے گا۔

خیال رہے کہ اس سے قبل بھی ایم بی سی اور سعودی جنرل اتھارٹی برائے تفریح میں کئی پروگراموں میں شراکت کی گئی ہے۔