بالی ووڈ دبنگ ادا کار سلمان خان کی گھر پر فائرنگ کے بعد پہلی ویڈیو منظر عام پر آگئی۔

سلمان خان نے اسٹاگرام سے یہ ویڈیو جاری کی۔ ویڈیو کے پس منظر سے وہ دبئی میں بالکنی میں کھڑے نظر آرہے ہیں۔

بالی ووڈ سپر اسٹار کے مطابق وہ کراٹے کے ایک ایونٹ میں شرکت کی غرض سے دبئی آئے ہیں۔ اس موقع پر انہوں نے ایونٹ آرگنائزر کا تعارف بھی کروایا۔

واضح رہے کہ گزشتہ ہفتے سلمان خان کے گھر پر فائرنگ کا واقعہ پیش آیا تھا ،جس میںح کوئی جانی نقصان نہیں ہواتھا۔

اس واقعے کے بعد حکومت کی طرف سے سلمان خان اور شاہ رخ خان کی سیکیورٹی بڑھا دی گئی ہے۔

ادا کار سلمان خان کو کچھ دن پہلے ممبئی ایر پورٹ پر دیکھا گیا تھا اور اندازہ لگایا جا رہا تھا کہ وہ دبئی جا رہے ہیں۔

سلمان خان کی نئی ویڈیو جاری ہونے کے بعد ان کے مداحوں کا تانتا بندھ گیا اور وہ اپنے پسندیدہ اداکار کی سلامتی اور صحت مند ہونے پر بہت خوش ہیں۔ اور انہوں نے سلمان خان کے لیے ڈھیروں دعائیں بھی کی ہیں۔