بالی ووڈ ادا کار پنکج تر پاٹھی کے بہن اور بہنوئی کے کار حادثے کی سی سی ٹی وی فوٹیج منظر عام پر آگئی۔

خبر رساں ایجنسی کے مطابق ان کی کار کو ہفتہ کی شام تقریبا ساڑھے چار بجے جی ٹی روڈ کے قریب حادثہ پیش آیا ،جس میں اداکار پنکج تر پاٹھی کے بہنوئی راکیش تیواری جانبر نہ ہوسکے، جبکہ بہن سبیتا تیواری شدید زخمی ہو گئیں۔

اطلاعات کے مطابق یہ جوڑا بہار میں اپنے گاوں سے مغربی بنگال جا رہا تھا ، جہاں گاڑی کو یہ حادثہ پیش آیا۔

حادثے کی سی سی فوٹیج میں دیکھا جا سکتا ہے کہ پہلے کار سڑک پار کرنے کےلیے کھڑی ایک خاتون سے ٹکرا تی ہے اور پھر روڈ ڈیوائیڈر میں گھس جاتی ہے۔جس سے کار کو حادثہ پیش آتا ہے۔

کار کے نقصان سے حادثے کی شدت کا اندازہ لگایا جا سکتا ہے۔

اداکار پنکھ ترپاٹھی کے والد کا گزشتہ سال انتقال ہو گیاتھا اور اب بہنوئی کی موت نے اہل خانہ کو گہرے دکھ اور صدمے سے دو چار کر دیا ہے۔

حادثے میں زخمی ہونے والی سبیتا تیواری کے سر میں شدید چوٹ آئی ہے۔ ان کی حالت بدستور تشیشناک ہے اور وہ اس وقت ہسپتال کے آئی سی یو میں ہیں۔