آئی کیوب قمرکے کنٹرولرز، سب سسٹمزاورپروٹوکولز کو مدارمیں ٹیسٹ کرنے کا سلسلہ شروع ہو گیا ۔ ترجمان سپارکو نے پاکستانی سیٹلائٹ سے جاری ہونے والی پہلی تصویر کی تایخ بھی بتا دی ۔

ترجمان سپارکو کے مطابق آئی کیوب 16 مئی کو پہلی تصویرزمین پربھیجے گا، اگلے2 دن تک چاند کے مدارکے اندر مکمل جانچ کی جائے گی جبکہ آئی کیوب مدارمیں 5 سے6 روز تک تجرباتی مراحل میں رہےگا۔

ترجمان کا کہنا ہے کہ آئی کیوب دوپہر 1:14 بجے چاند کے مدار میں کامیابی سے داخل ہوا، سیٹلائٹ چاندپرڈیزائن کردہ تیکنیک کےعین مطابق کام کر رہا ہے۔ آئی کیوب قمرکا تمام ذیلی نظام صحت کا ڈیٹا بہترین ہے، جبکہ امیجنگ پے لوڈ مکمل طورپرفعال ہے۔