مشہور فاسٹ فوڈ چین ’کے ایف سی‘ نے حال ہی میں ایک حیران کن اور منفرد پروڈکٹ متعارف کروائی ہے، ’ فرائیڈ چکن فلیور ٹوتھ پیسٹ’۔ یہ ٹوتھ پیسٹ ’کے ایف سی‘ کی مشہور ’11 ہربز اینڈ اسپائسس‘ کی خوشبو اور ذائقے سے متاثر ہوکر تیار کیا گیا ہے

کمپنی کی جانب سے جاری کردہ پریس ریلیز میں کہا گیا کہ یہ ٹوتھ پیسٹ ایسا محسوس ہوتا ہے جیسے کوئی ’کے ایف سی کا گرم، جوسی پیس آف اوریجنل ریسپی چکن‘ کھا رہا ہو، جو دانتوں پر ذائقے کی کوٹنگ کرتے ہوئے منہ کو تازگی بخشتا ہے۔

فاسٹ فوڈ کے استعمال سے بیماریوں میں اضافہ

یہ منفرد پروڈکٹ کے ایف سی نے آسٹریلیا کی مشہور ٹوتھ کیئر کمپنی ’ہسمائل‘ کے ساتھ مل کر ایک محدود وقت کے لیے متعارف کروائی ہے۔

ہسمائل کے مارکیٹنگ مینیجر، کوبان جونز نے کہا، ’ہم نئی راہیں تلاش کرنے کے شوقین ہیں، اور کے ایف سی کے لیجنڈری فلیورز کو ایک روزمرہ کی چیز جیسے ٹوتھ پیسٹ میں شامل کرنا ایک زبردست تجربہ ہے۔ یہ کولیبریشن جرات مندانہ، غیر متوقع اور واقعی مزے دار ہے۔‘

فاسٹ فوڈ کے انسانی صحت پر منفی اثرات

اگرچہ فی الحال یہ ٹوتھ پیسٹ دستیاب نہیں، لیکن صارفین ’کے ایف سی الیکٹرک ٹوتھ برش‘ ضرور خرید سکتے ہیں، جو اب بھی ویب سائٹ پردستیاب ہے۔ یہ ٹوتھ برش تین مختلف کلیننگ موڈز، نرم برسٹلز اور بلٹ ان ٹائمر کے ساتھ آتا ہے۔