اداکارہ میرا کا نام پاکستان شوبزانڈسٹری میں ان کے کام سے زیادہ دیے گئے بیانات کے باعث خبروں میں رہتا ہے۔

کبھی میرا جی کی انگریزی کو نشانہ بنایاجاتا تھا جسے اب انہوں نے خاصا بہترکرلیا ہے لیکن چٹپٹی خبروں کے متلاشیوں نے اداکارہ کو اب بھی نہیں بخشا۔

سوشل میڈیا پرحال ہی میں لاہورمیں ہونے والی لکس اسٹائل ایوارڈ کی تقریب کے دوران اس بار میرا جی سے ان کی خوبصورتی کا راز پوچھا گیا۔

خاتون صحافی نے پوچھا، ”میراجی آپ کی خوبصورتی کاراز کیا ہے، آپ ماشاء اللہ پیاری سے پیاری اور نوجوان ہوتی جارہی ہیں“۔

جواب میں میرا نے اپنی خوبصورتی کا راز اپنی شخصیت کے اچھے اوصاف کوقراردیا۔

اداکارہ کا کہنا تھا کہ اچھی سوچ، اچھا اخلاق، انسانیت کی خدمت ، لوگوں کی مدد ان کی خوبصورتی کا راز ہے۔

میرا نے مزید کہا کہ ،”اچھی انسان ہوں میں، پاکیزہ ہوں“۔