بالی وڈ سٹار سلمان خان کو پاکستان اور بھارت کے درمیان جنگ بندی سے معتلق ٹوئٹ ڈیلیٹ کرنا پڑگئی، گزشتہ دنوں بھارت نے پاکستان کے خلاف جارحیت کی جس کا مسلح افواج نے منہ توڑ جواب دیا۔
3 رافیل طیاروں سمیت 5 جنگی جہاز گرائے اور گزشتہ رات میں آپریشن بُنیان مّرصُوص لانچ کیا، پاکستان کے تباہ کن جواب میں بھارتی دفاعی نظام نیست و نابود ہوگیا اور دشمن فوج نے نقصان کا اعتراف کرلیا۔
بھارت اور پاکستان کے درمیان جنگ بندی ہوگئی اور اس کا اعلان امریکی صدر ڈونلڈ ٹرمپ نے کیا اور بیان میں کہا کہ امریکا کی ثالثی میں بھارت اور پاکستان فوری جنگ بندی پر متفق ہوگئے۔
فلم ’سکندر‘ میں سلمان خان کا معاوضہ جان کر آپ حیران رہ جائیں گے
سلمان خان کی دریا دلی انہیں لے ڈوبی
پاکستان اور بھارت کے درمیان جنگ بندی پر جہاں بھارتی میڈیا سیخ پا ہے وہیں سلمان خان کو بھی سیزفائر سے متعلق ٹوئٹ پر تنقید کا سامنا ہے۔ بھارتی میڈیا رپورٹس کے مطابق سلمان خان نے سیز فائر پر ٹوئٹ کیا اور لکھاکہ ’جنگ بندی کیلئے اللہ کا شکر ہے۔
یہ ٹوئٹ پاکستان کے ہاتھوں ہزیمت اٹھانے والے بھارتیوں کو پسند نہ آئی اور سلمان خان کو شدید تنقید کا نشانہ بنایا جس پر انہیں اپنی ٹوئٹ ڈیلیٹ کرنا پڑگئی۔
