سعودی عرب میں خونخوارشیر نے اچانک ایک شخص پرحملہ کردیا لیکن خوش قسمتی سے موقع پرموجود لوگوں نے شیرکو قابو کرکے اُس شخص کی جان بچالی۔

سوشل میڈیا پر زیرگردش ویڈیو میں دیکھا جاسکتا ہے کہ ایک شخص شیر کے سامنے کھڑا تھا کہ اچانک شیر نے اس پر حملہ کردیا۔

شیر نے جیسے ہی اُس شخص کو دبوچا، اِسی دوران وہاں موجود افراد اس شخص کو بچانے پہنچ گئے۔

عرب میڈیا کے مطابق محکمہ جنگلی حیات نے مذکورہ واقعے پر تبصرہ کرتے ہوئے کہا کہ حکام نے اس وڈیو کو دیکھا ہے اور اس کی تحقیقات کی جارہی ہیں۔

اس قبل مقامی پولیس نے بریدہ شہرکے ریسٹ ہاؤس سے خلاف قانون 4 شیروں کو رکھنے پرشہریوں کو حراست میں لیا تھا۔